Laifi
Boko Haram a Borno sun yi garkuwa da mata bakwai, sun kashe biyar
Wasu da ake kyautata zaton mayaƙan Boko Haram ne sun kai farmaki kan ayarin motocin da ke ɗauke da kayayyaki da fasinjoji a ƙaramar hukumar Bama ta jihar Borno, inda suka kashe mutane biyar tare da sace mata bakwai.
An kai harin ne ranar Alhamis kan ayarin motocin jami’an tsaro da ke ɗauke da manyan motoci da ke kusa da garin Banki da ke kan iyakar Najeriya da Kamaru a ƙaramar hukumar da misalin ƙarfe 2:30 na rana.
Wata majiya mai tushe da ke tafiya a kan hanyar Maiduguri zuwa Bama zuwa Banki mai suna Babagana Kaumi, ta tabbatar wa da jaridar ta PUNCH ta wani saƙo mai sauti kamar haka: “ ayarin motocin fasinjoji da kaya sun yi kwanton ɓauna a kusa da Banki.”
KU KUMA KARANTA: Boko Haram sun kashe manoma 15 a jihar Borno
Ya ci gaba da cewa: “Ɗaya daga cikin motocin ta samu matsala, kuma idan irin haka ta faru duk sojoji sun maida hankalinsu kan motar da ta lalace har sai an gyara ta kafin a ci gaba da tafiya.
“Abin da ya faru ke nan a ranar; yayin da sojojin suka mayar da hankalinsu kan wata motar da ta samu matsala, maharan sun kai hari inda suka kashe matafiya biyu, direban ɗaya daga cikin motocin da mataimakansa biyu sun yi awon gaba da mata kusan bakwai tare da ƙona ayarin motocin.”
Kaumi ya ce “A kwanakin baya, maharan sun far wa irin waɗannan ayarin motocin ne kawai, suna ƙwace kuɗi da duk wani abu mai daraja, ciki har da kowane irin takalmi mai kyau daga masu ababen hawa, inda suka ci gaba da tafiya a raye ba tare da wani rauni ba; amma a ranar Alhamis ɗin da ta gabata, sun kai farmaki cikin fushi.”
Ya ce hare-haren Boko Haram a yanzu sun ƙara ƙamari a sassan Najeriya da Kamaru na kan iyaka.
Har yanzu hukumomin tsaro ba su fitar da wata sanarwa ba.
Laifi
‘Yan bindiga sun sace ‘yan jarida 2 da iyalansu a Kaduna
‘Yan bindiga sun sace ‘yan jarida 2 da iyalansu a Kaduna
Daga Idris Umar, Zariya
Wasu ‘yan bindiga sun yi garkuwa da ‘yan jarida biyu a ƙauyen Danhonu da ke ƙaramar hukumar Chikun a jihar Kaduna.
‘Yan bindigar sun kai hari a cikin al’umma a daren ranar Asabar inda suka yi awon gaba da ‘yan jarida biyu da iyalansu.
Waɗanda abin ya shafa, Alhaji AbdulGafar Alabelewe da AbdulRaheem Aodu, ‘yan jarida ne na jaridun The Nation da Blueprint a jihar Kaduna, bi da bi.
Alabelewe wanda shi ne shugaban kungiyar ‘yan jarida ta kasa (NUJ), majalisar jihar Kaduna a halin yanzu, an dauke shi tare da matarsa da ‘ya’yansa biyu.
An kuma yi garkuwa da Aodu da matarsa, inda suka bar ‘yarsu da ba ta da lafiya.
KU KUMA KARANTA: Ƴan bindiga sun yi garkuwa da ɗalibai da dama a jihar Delta
Da yake bayyana hakan, Taofeeq Olayemi, dan uwa na daya daga cikin wadanda lamarin ya rutsa da su, ya ce ‘yan bindigar sun afkawa al’ummar ne da misalin karfe 10:30 na dare, inda suka yi ta harbe-harbe kafin su yi awon gaba da su.
Da farko ‘yan fashin sun tafi da Alabelewe, matarsa, ‘ya’yansa uku, da kuma wani bako, amma daga baya suka sako yarinyar daya daga cikin yaran.
“Sun shiga gidan Abdulgafar ta katanga.
“Sun shiga cikin ɗakin kwanansa kai tsaye suka ɗauko shi da matarsa da ‘ya’yansu biyu suka tafi nan take, inda ‘yan banga suka iso suka fara harbin iska,”
Ya zuwa haɗa wannan rahoton babu ɗuriyar duk wanɗana aka sacen.
Tuni kunyar ‘yan jaridar ta jihar Kaduna ta sanar tare da tabbatar da faruwar lamarin.
Laifi
Wani matashi ya kashe mahaifinsa a Delta
Wani matashi ya kashe mahaifinsa a Delta
Ana zargin wani matashi mai suna Ufuoama Umurie ya kashe mahaifinsa a Unguwar Okpare da ke Ƙaramar Hukumar Ughelli ta Kudu a jihar Delta, ranar Laraba.
Jaridar Punch ta ruwaito cewa, an tsinci gawar mahaifin mai suna Rabaran Isaac Umurie, wanda ɗaya ne daga cikin limaman cocin St. John’s Anglican da ke Okpare-Olomu a safiyar wannan Larabar.
Bayanai sun ce tun farko lamarin ya faru ne da misalin ƙarfe biyu na tsakar dare, inda wanda ake zargin ya kori mahaifiyarsa a lokacin da take ƙoƙarin ceto rayuwar mijinta amma ita kanta da ƙyar ta tsira.
Ufuoma, wanda a halin yanzu yana hannun ‘yan sanda, an ce ya yi amfani da laujen yankar ciyawa ya yanka mahaifinsa sannan ya sassare shi a sassan jikinsa.
KU KUMA KARANTA: ‘Yan bindiga sun kashe malamin jami’a a Katsina, sun sace ‘ya’yansa
Rahotanni sun ce matashin ya yi wa mahaifinsa wannan aika-aikar ce a lokacin da yake barci kafin maƙwabta da mabiya cocin su su kawo ɗauki.
Duk da cewa har yanzu ba a gano abin da ya haddasa faruwar lamarin ba, wasu mazauna unguwar yankin sun yi zargin cewa Ufuoma yana fama da taɓin hankali, kuma wannan ne karo na biyu da ya kai wa mahaifin nasa hari.
'Yan bindiga
‘Yan bindiga sun kashe malamin jami’a a Katsina, sun sace ‘ya’yansa
‘Yan bindiga sun kashe malamin jami’a a Katsina, sun sace ‘ya’yansa
Rahotanni daga Jihar Katsina na cewa ‘yan bindiga sun kashe wani malamin Jami’ar Tarayya ta Dutsinma.
Rahotanni sun ce lamarin ya faru ne a ranar Talata da tsakar dare da misalin ƙarfe 1:30 inda ‘yan bindigar suka afka gidan Dakta Tiri Gyan da ke Yarima Quarters a Ƙaramar Hukumar Dutsinma.
Mai magana da yawun ‘yan sandan reshen Katsina Abubakar Sadiq ya tabbatar wa kafar watsa labarai ta Channels da kisan malamin.
Waɗanda suka shaida lamarin sun bayyana cewa ‘yan bindigar sun afka gidan malamin jami’ar da makamai daban-daban inda suka yi ta harbi domin tsorata mazauna rukunin gidajen.
Sun kuma bayyana cewa ɓarayin sun sace yara biyu na Dakta Gyan a lokacin da suka kai harin.
KU KUMA KARANTA: ’Yan bindiga sun sace Hakimi da manoma 2 a Kaduna
Kashe malamin na zuwa ne mako guda bayan kashe mataimakin Shugaban Jami’ar Usman Ɗanfodiyo da ke Sokoto Farfesa Yusuf Saidu.
An kashe shi a lokacin da yake hanyarsa ta zuwa Kaduna daga Sokoto.
-
Kotu1 year ago
Kotu tayi watsi da ƙarar APC game da zaɓen Abba Gida Gida
-
Labarai9 months ago
Dalilin da ya sa na saka wa matata sasari – Wani magidanci a Potiskum
-
Ƙasashen Waje1 year ago
Ɗaliban Najeriya a Sudan sun nemi a kwaso su daga ƙasar
-
Labarai1 year ago
‘Yan banga sun kama wani mutum da ke yunƙurin sace yarinya a Kano
Pingback: ‘Wasu suna tunanin komawa’, ‘Yan ta’addan da suka tuba suna rokon gwamnati | Neptune Prime Hausa
Pingback: A sama mana sana’ar yi – Tubabbun ‘yan Boko Haram - LEGEND FM DAURA