Shugaban Amurka Joe Biden ya shaida wa takwaransa na Masar Abdel Fattah el Sisi ta wayar tarho cewa ƙasarsa ba za ta amince a tursasa wa Falasɗinawa fita daga yankin Gaza da aka mamaye ba, ko kuma Gabar Yammacin Kogin Jirdan, kamar yadda wata sanarwa daga Fadar White House ta bayyana.
“Shugaban ƙasa yana mai tabbatar da shirinsa na kafa ƙasar Falasɗinawa da kuma jaddada muhimmancin rawar da Masar za ta taka wajen ganin an bi waɗannan ƙa’idoji,” in ji White House.
Sanarwar ta ƙara da cewa Shugaba Biden ya bayyana jin daɗinsa “game da ƙoƙarin Masar na ƙulla yarjejeniyar sakin mutanen da Hamas ta kama tare da tsagaita wuta a Gaza.”
