Daga Ibraheem El-Tafseer
A cikin wannan dare ne, al’ummar unguwar Stadium da ke garin Potiskum, suka kama mijin da ya saka wa matarsa sasari (ankwa) a ƙafa, suka miƙa shi ga jami’an tsaro.
Yadda abin ya faru shi ne, fitacciyar ‘yar kare haƙƙin ɗan’adam ɗin nan, Hajiya Fauziyya D. Sulaiman ce ta wallafa a shafinta na Facebbok, kan cewa wannan mutumi ya saka wa matarsa sasari, sannan ya hana kowa shiga gidan, hatta ‘yan’uwanta ma.
Sai aka samu wani ya lallaɓa ya je gidan, ya ɗauko hotonta da sunan unguwar. Nan take al’ummar unguwar suka cafke shi, suka miƙa shi ga hukuma. Sai zuwa gobe za a fara bincike akansa.
