Labarai
An kama matashi a Makurɗi bisa zargin satar sassan jikin mutane
An gurfanar da wani matashi ɗan shekara 20, Aondoaseer Agbadu a gaban babbar kotun majistare da ke Makurɗi bisa zarginsa da haɗa baki da kuma saran sassan jiki.
Jami’in ‘yan sanda mai shigar da ƙara, Insifekta Godwin Ato a cikin rahoton farko na yaɗa labarai, FIR, ya shaida wa kotun cewa an mayar da shari’ar ne daga hedikwatar ‘yan sanda da ke ƙaramar hukumar Aliade Gwer, zuwa sashin binciken manyan laifuka na jiha, Makurɗi ta wasiƙa NO.AR. :3100/BNS/AL/VOL.4/258, kwanan wata 30 ga Agusta, 2023.
Insfekta Ato ya bayyana cewa a ranar 27 ga Agusta, 2023 wani Alexander Swati da ke daura da ofishin BIRS, garin Aliade ya kai rahoton lamarin a ofishin ‘yan sanda na Aliade.
KU KUMA KARANTA: Yadda Satar notunan titin Jirgin ƙasa ya kawo tangarɗa a sufuri (Bidiyo)
A cewar mai gabatar da ƙara, rahoton ya nuna cewa a cikin watan Afrilun 2023, wani Aondoaseer Agbadu na bankin Union, Aliade da laifin haɗa baki da wasu a yanzu, ya yaudare shi ya tafi da ɗansa mai shekaru 17, Terungwa Swati zuwa Abuja.
“Lokacin da a Abuja suka yi wa Terungwa tiyata suka ɗebi ƙodarsa ɗaya suka sayar wa wani mutum ba tare da izininsa da na ɗansa ba.”
Ya bayyana cewa, an yi wannan aikin ne ya saɓa wa sashe na 27 da na 20 (1) (2) da (3) na dokar hana fataucin mutane (Hana) tilastawa da gudanar da mulki na shekarar 2015.
Mai gabatar da ƙara ya ce “A yayin binciken ‘yan sanda, an kama Aondoaseer Agbadu da aikata laifin yayin da wasu ke hannunsu.”
A lokacin da aka ambaci ƙarar, ba a kai kara ba don neman hurumin hukumta, ɗan sanda mai shigar da ƙara wanda ya shaida wa kotun cewa har yanzu ana ci gaba da gudanar da bincike kan lamarin, inda ya buƙaci a ba shi ƙarin lokaci.
Alƙalin kotun, Mista Taribo Atta ya bayar da umarnin tsare wanda ake tuhuma a gidan yari na Makurɗi sannan ya ɗage sauraron ƙarar zuwa ranar 23 ga Oktoba, 2024 don ci gaba da ambatonsa.
Wani sabon gini mai hawa 2 ya rushe a Legas
Wani sabon bene mai hawa biyu a Jihar Legas, ya rushe yayin da ake tsaka da mamakon ruwan sama wanda ya haddasa ambaliya a wasu sassan jihar.
Ginin ya rushe ne a lamba 12 da ke yankin Cameroun kusa da Ewenla a Mushin.
Hukumar Bayar da Agajin Gaggawa ta jihar (LASEMA), ta bayyana cewar bayan isar jami’anta wajen da lamarin ya faru, ta gano wani sabon gini mai hawa biyu ya rushe.
An ceto mutum bakwai; mata uku da maza huɗu, tuni aka kai su asibiti domin duba lafiyarsu.
KU KUMA KARANTA: Wani bene mai hawa 4 ya rufta da mutane a Abuja
Ya zuwa yanzu dai hukumar, ta ce babu wanda ya mutu a dalilin rushewar ginin.
Babban sakataren LASEMA, Dokta Olufemi Damilola Oke-Osanyintolu, ya ce ana ci gaba da gudanar aikin ceto don tabbatar da babu wanda ya maƙale a baraguzai.
Wani jami’in EFCC ya hallaka kansa a Abuja
Rahotanni sun bayyana cewar wani jami’in Hukumar Yaƙi da Masu Yi Wa Tattalin Arziƙin Ƙasa Zagon Ƙasa (EFCC), ya hallaka kansa har lahira a Abuja.
An tsinci gawar marigayin ne a gidansa da ke babban birnin tarayya.
Marigayin, wanda ba a bayyana sunansa ba, an ce ya kasance ɗaya daga cikin waɗanda suka yi kwas na 5 a makarantar horas da masu yi wa ƙasa hidima ta hukumar yaƙi da cin hanci da rashawa.
An ruwaito cewar yana da ƙwazo da himma a wajen gudanar da ayyukansa.
Wata majiya ta ce jami’in ya jima yana fama da baƙin ciki da matsalolin rayuwa kafin mutuwarsa.
Kakakin EFCC, Dele Oyewale, ya shaida wa manema labarai cewa hukumar za ta binciki musababbin da ya sanya ya kashe kansa, kuma hukumar za ta taimaka wa iyalansa.
Oyewale, ya ƙara da cewa hukumar za ta binciki wasu abubuwa da suka haɗa da matsalar taɓin hankali da kuma matsalolin iyali waɗanda ka iya sanya ma’aikacin kashe kansa.
KU KUMA KARANTA: Ana zargin wani jami’in kwastam ya kashe kansa a Abuja
Sai dai ya ce hukumar ba za ta fitar da wata sanarwa ko kuma bayyana sunan jami’in ba, har sai an kammala bincike.
NAFDAC ta rufe shaguna 100 A Enugu
Hukumar Kula da Ingancin Abinci da Magunguna ta Ƙasa (NAFDAC), ta rufe shaguna kusan 100 a babbar kasuwar Ogbete ta Jihar Enugu, bisa zargin sayar da wasu abubuwan sha na jabu.
Daraktan NAFDAC, Martins Iluyomade a yankin Kudu maso Gabas, ya ce hukumar ta ɗauki matakin ne bayan wani samame da ta kai a ranar Litinin.
A yayin samamen jami’an hukumar NAFDAC, sun cafke wata babbar mota ɗauke da kayayyakin maye tare da cafke wasu ‘yan kasuwa huɗu da ake zargi da hannu wajen sayar da jabun abubuwan sha.
Iluyomade, wanda masanin haɗa magunguna ne, ya nanata cewa matakin ya zama dole domin kare masu amfani da ire-iren kayayyakin .
Ya ce waɗanda ake zargin a halin yanzu ana kan bincikensu kuma za su fuskanci tuhuma a gaban kotu bayan kammala binciken.
KU KUMA KARANTA: NAFDAC ta haramta amfani da maganin tari na yara na kamfanin J&J
Har wa yau, ya nanata ƙudurin NAFDAC na kawar da kayayyaki marasa inganci, da jabun abubuwan ci da sha, da gurɓatattun kayayyaki a kasuwa.
Ya ƙara da cewa, an gudanar da binciken ne tare da haɗin gwiwar hukumomin tsaro.
A gefe guda kuma, ya bayyana muhimmancin aikin hukumar na tabbatar da lafiyar al’umma.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai9 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano