Jama’ar unguwar Sharaɗa sun cafke wani matashi mai suna Jibrin Rimin keɓe a Kano, a lokacin da yake ƙoƙarin satar Babur a bankin Union Bank dake Sharaɗa a ranar Alhamis.
Matashin ya bayyana cewa abokinsa mai suna Sadik mazaunin Zoo road Kano ne ya koya masa saƙar a mungun zare.
Sai dai ya ce idan ya saci Babur ɗin suna kaiwa wani mai suna Haruna da aka fi sani da Mallam Tijjani Kurna, inda yake sayan kowanne babur ɗaya kan naira dubu tamanin ko dubu ɗari.
Wanda ake zargi ya ƙara da cewa, sun daɗe suna aikata wannan aika-aikar a sassan jahar Kano tsawon lokaci.
Tuni dai aka damƙa matashin a ofishin ‘yan sanda na Sharaɗa kamar yadda majiyar mu ta tabbatar mana.
