An haɗa Najeriya, Tunisiya, Tanzaniya da Uganda a gasar AFCON 2025
An haɗa tawagar ƙwallon ƙafar Najeriya ‘Super Eagles’ da takwararta ta Tunisiya, sannan an hada Tanzaniya da Uganda a gasar cin kofin nahiyar Afirka mai zuwa da kasar Morocco zata karbi bakunci.
An shigar da tawagar Najeriyar ne a rukunin “C” yayin wani biki daya gudana a Morocco a jiya Litinin.
A karawar ta cikin rukuni da zata dauki hankula, Najeriya zata kece raini da tawagar Carthage Eagles ta kasar Tunisiya.
KU KUMA KARANTA:Gasar AFCON 2025: CAF za ta binciki halin da ‘yan Super Eagles suka fuskanta a filin jirgin Libya
Zakarun gasar a gida a 2004, Tunisiya ta doke Najeriya a wasan kusa dana karshe kafin tayi tafiyar ruwa da Morocco a wasan karshe. haka kuma tawagar kasar Tunisiya ta taba fidda Najeriya daga gasar afcon ta 2021 a Kamaru.
Najeriya ta taba samun galaba akan Tunisiya da ci 4-2 a kokarin kaiwa wasan karshe na AFCON ta 2000 inda ta hadu da kasar Kamaru.
