Sabuwar gobarar daji ta tashi a jihar California ta Amurka
Hukumomi a California sun ba da sanarwa ga al’ummomin da ke daura da Castaic Lake da su fice daga yankin, bayan da wata sabuwar gobarar daji ta tashi a tsaunukan arewacin Los Angeles.
Kudancin California yana fama da tashin gobara saboda busasshiyar Iska da rashin samun ruwan sama.
KU KUMA KARANTA:‘Yan kwana-kwana na ci gaba da yaƙi da gobarar daji mafi girma a Amurka
Sannan hukumomi sun yi kira ga al’ummar yankin da su kaurace wa kusa da yankin saboda shakar gurbataccen hayaki.
A halin da ake ciki, akwai gargadi game da yiwuwar tashin wata mummunar gobarar a kudancin California.
Dr. Talatu Bako ‘yar Najeriya da ke zaune a Los Angeles, California ta shaida wa Muryar Amurka cewa gobarar ta yankin Castaic Lake ta yi barna sosai, kuma hukumomin kashe gobara su na ta fafatawa wajen shawo kanta.
