Ƙasar Isra’ila ta kai hari wani sansanin soji, ta jikkata mutum 18
Isra’ila ta kashe sojan Lebanon da jikkata mutum 18 a wani hari ta sama da ta kai wani sansanin sojin Lebanon, kamar yadda sojojin suka sanar a ranar Lahadi.
Wata sanarwa da sojojin suka fitar ta bayyana cewa harin ya faɗa kan cibiyar soji da ke al-Amiriya da ke kan titin Al-Qalila-Tyre.
Sanarwar ta ƙara da cewa harin ya yi matuƙar ɓarna ga sansanin sojin.
KU KUMA KARANTA: Israila ta kashe Falasɗinawa 7 tare da raunata wasu da dama
Isra’ila ta fara yaƙi da kasar Lebanon, inda ta kaddamar da wani farmaki ta sama a karshen watan na Satumba, kan abin da ta ce tana kai wa kungiyar Hezbollah hari.
