SSANU da NASU na ci gaba yin zanga-zanga a Abuja
Daga Idris Umar, Zariya
A halin yanzu dai mambobin ƙungiyar manyan ma’aikatan jami’o’in Najeriya (SSANU) da na (NASU) sun hallara a Unity Fountain da ke Abuja, suna zanga-zangar ƙin biyansu albashin watanni huɗu.
Shugaban SSANU Mohammed Aruna Ibrahim da babban sakataren NASU, Comrade Peters Adeyemi ne ke jagorantar zanga-zangar.
Ƙungiyoyin biyu dai sun ji haushin cewa, duk da umarnin da shugaban ƙasa ya bayar na a biya basussukan watanni huɗu, mambobin ƙungiyar malaman jami’o’in (ASUU) ne kawai aka biya, inda suka bar SSANU da NASU ba su biya ba.
KU KUMA KARANTA: SSANU da NASU sun yi zanga-zangar lumana a jami’ar ABU
Sai dai kuma, an yi wata arangama a Unity Fountain yayin da jami’an tsaro masu tsauri suka hana masu zanga-zangar ficewa daga wurin taron.
 da na){kind=link}