Daga Ibraheem El-Tafseer
Rundunar ‘yansanda shiyya ta ɗaya Zone One, da ke jihar Kano, ƙarƙashin AIG Umar Mamman Sanda, sun gurfanar da guda daga cikin ‘yan masa’antar shirya fina-finan Hausa ta Kannywood, mai suna Amal Umar, a gaban kotun majistiri mai lamba 24, dake zamanta a unguwar Gyaɗi-Gyaɗi.
Hakan na ƙunshe ne cikin wata sanarwa da mai magana da yawun ‘yan sandan shiyya ta ɗaya CSP Bashir Muhammad ya fitar, aka aikawa manema labarai.
KU KUMA KARANTA: An umarci ƴan sanda su tsaurara tsaro a makarantun Kano
An dai gurfanar da Amal Umar ne a gaban kotun bisa zargin ta da yunƙurin ba da cin hancin Naira dubu ɗari biyu da hamsin (250,000), ga ɗan sandan da ke bincike a kan wani laifi da ake zargin da hannun ta wajan aikata wa.
