Isra’ila ta kai hari a wani matsugunin ƙungiyar agaji ta Doctors Without Borders (MSF) a Gaza da aka yi wa ƙawanya, inda ta kashe aƙalla mutane biyu.
“A daren yau, sojojin Isra’ila sun gudanar da wani samame a Al Mawasi, Khan Younis a Gaza, inda aka harba makamai wani matsuguni da ke karɓar baƙuncin ma’aikatan MSF da iyalansu,” in ji MSF a shafin X.
“Yayin da ake ci gaba da samun cikakken bayani, yanzu haka ma’aikatan motar ɗaukar marasa lafiya sun isa wurin, inda aka kashe aƙalla ‘yan’uwan abokan aikinmu biyu tare da mutane shida da suka ji rauni. Mun firgita da abin da ya faru,” in ji sanarwar.
