Wasu da ake zargin mayaƙan Boko Haram ne sun kashe Sheikh Baba Goni Muktar Malumti, babban limamin masallacin Jumu’a na tsakiyar garin Benisheikh, hedikwatar ƙaramar hukumar Kaga a jihar Borno.
An tattaro cewa ‘yan ta’addan da ke cikin wata mota Volkswagen sun kai farmaki gidan limamin da ke Malamti, a wajen garin Benisheikh da misalin ƙarfe 12:30 na safiyar ranar Litinin, 30 ga Oktoba, 2023.
‘Yan ta’addan sun kuma ƙona wasu litattafai na marigayin. Imam kafin rasuwarsa ya kasance sanannen malamin addinin musulunci.
A cewar wata majiyar rundunar haɗin gwiwa ta Civilian Task Force, yanayin farmakin ya kasance na masu tada ƙayar baya ne.
