Wani Supritanda na ‘yan sanda Nahun Gwadi Eli ya mutu a ɗakinsa na otel dake Jos babban birnin jihar Filato.
An tsinci gawar jami’in ne a ƙasa a gefen gadonsa bayan da jami’an da abin ya shafa suka fasa ɗakin otal ɗinsa a ranar 23 ga Oktoba, 2023.
Har zuwa rasuwarsa, Eli shi ne Kwamandan A/O SWAT, Rundunar Jihar Filato.
A cewar majiyoyi, mutanen nasa sun shiga cikin damuwa bayan da suka yi ta ƙiran layin wayarsa ba tare da amsa ba.
’Yan sandan sun nufi ɗakinsa na otal inda suka yi ta ƙwanƙwasa sau da yawa, amma ba su samu amsa ba.
Sai da suka buɗe ƙofar ɗakin otal suka same shi ya mutu.
An ɗauke gawarsa zuwa ɗakin ajiye gawa na asibitin Jos domin gudanar da bincike.
