Akwai yiwuwar a yi wa kyaftin ɗin Portugal, Cristiano kuma ɗan wasan gaban Al-Nassr Cristiano Ronaldo za a yi masa bulala 99 idan ya koma Iran.
Jaridar Alfijir Labarai ta rawaito ɗan wasan wanda ya lashe kyautar Ballon d’Or sau biyar ya gana da mai goyon bayansa, mai zane Fatima yayin da yake tafiya zuwa Iran domin buga gasar cin kofin nahiyar Asiya da ƙungiyar Persepolis a watan Satumba.
Ronaldo ya runguma tare da sumbatar yarinyar, lamarin da ake ganin babban cin zarafi ne ga dokar Iran a wajen aurenta.
KU KUMA KARANTA: Kotu ta yankewa shugaban Kiripto hukuncin ɗaurin shekaru 11 a gidan yari
Sai dai har yanzu ba a tuhumi tsohon ɗan wasan na Manchester United da Real Madrid a hukumance ba.
A halin yanzu Ronaldo yana tare da tawagar ƙasar Portugal yayin da suke shirin ƙarawa da Slovakia da Bosnia & Herzegovina a wasannin neman cancantar shiga gasar EURO a ranakun Juma’a da Litinin.
