Sample Page Title

Kafofin yaɗa labaran Amurka sun ba da rahotan cewa gwamnatin Biden ta amince ta bai wa Ukraine makami mai inzami na ATACMS da ke cin dogon-zango.

Shugaban Ukraine ya nemi taimakon Amurka na ta ba shi wannan makami na soji, domin ya samu damar shiga yankunan da Rasha ta mamaye.

Fadar gwamnatin Amurka ko Gwamnatin Ukraine ba su tabbatar da wannan labarin ba.

Makamin ATACMS na tafiyar nisan kilomita 300 idan aka harba shi, kuma ana sarrafa shi ne kamar yadda ake sarrafa makamin roka na HIMARS.