‘Yan bindiga a Kebbi sun kashe mutane biyu, sun sace mutane bakwai

Wasu ‘yan bindiga da suka kai farmaƙi ƙauyen Kwarikwarasa da ke ƙaramar hukumar Maiyama a jihar Kebbi a ƙarshen makon da ya gabata, sun kashe mutane biyu tare da yin garkuwa da wasu mutanen ƙauyen su bakwai.

Jaridar Daily trust ta ruwaito cewa ‘yan bindigan sun mamaye al’ummar ne da sanyin safiyar ranar Asabar, 9 ga watan Satumba.

KU KUMA KARANTA: Ƴan bindiga sun kashe basarake sun ƙona gawarsa a Imo

Gwamna Nasiru Idris ya ziyarci al’umma inda ya tabbatar da cewa gwamnati ta tanadi matakan daƙile sake aukuwar lamarin.  Ya ce ya bai wa jami’an tsaro dukkan goyon baya da haɗin kan da ya kamata domin yaƙar miyagun ayyuka a faɗin jihar.