'Yan bindiga
‘Yan bindiga a jihar Filato sun kashe sabbin ma’aurata
Wasu ‘yan bindiga sun kashe wasu ma’aurata da suka yi aure waɗanda kuma malaman makarantar sakandare ta BECO Comprehensive High School da ke Kwi a ƙaramar hukumar Riyom a jihar Filato.
Kakakin rundunar ‘yan sandan jihar, DSP Alfred Alabo, wanda ya tabbatar wa manema labarai faruwar lamarin, ya ce ‘yan bindigar sun kuma raunata mataimakin shugaban makarantar a lokacin da lamarin ya faru a ranar Litinin.
Mista Alabo, wanda bai yi ƙarin bayani kan lamarin ba, ya ce rundunar na kan gaba a lamarin.
A halin da ake ciki, Rwang Tengwong, sakataren yaɗa labarai na ƙungiyar Berom Youth Movement, a wata sanarwa a ranar Talata, ya bayyana baƙin cikinsa kan lamarin.
KU KUMA KARANTA: ‘Yan bindiga a Zamfara, sun kashe mutum ɗaya, sun sace ɗan sarki da wasu mutane shida
Mista Tengwong ya ce: “Mun yi baƙin ciki da mamayar BECO Comprehensive High School Kwi da ‘yan bindiga suka yi.
“An harbe malamai biyu, Mista da Mrs. Rwang Ɗanladi, sabbin ma’auratan da suka yi aure. “Malam Dalyop Emmanuel, mataimakin shugaban makarantar ya samu munanan raunuka sakamakon harin da ‘yan bindiga suka kai.
“Malaman sun gudanar da taro ne domin tattara sakamakon ɗaliban a shirye-shiryen ranar jawabi da bayar da kyaututtuka na makarantar na shekarar 2023 da aka tsara a wannan Juma’a.
“Wanda ya ji rauni a halin yanzu yana karɓar magani a asibitin koyarwa na jami’ar Jos,” inji shi.
Kakakin ya yi tir da ƙwararan masu aikata laifuka a wasu al’ummomin jihar. “Muna ƙira ga jami’an tsaro da su hanzarta kai farmaƙi ga waɗannan al’ummomi da suka zama gungun ‘yan ta’adda, musamman Fass da Mahanga a Riyom.
“Wannan ya zama dole don kawar da masu aikata laifuka da suka saɓa wa doka da oda,” in ji shi.
‘Yan bindiga sun kashe mutum 21 a wani bikin aure
Wata ƙungiya ɗauke da makamai ta kai hari a yayin wani bikin aure a tsakiyar ƙasar Mali tare da kashe aƙalla mutane 21, kamar yadda mazauna yankin suka faɗa a ranar Laraba.
Hakan na zuwa ne a daidai lokacin da shugabannin sojojin ƙasar Afirka ta Yamma ke fafutukar yaƙi da tashe-tashen hankula daga masu tsattsauran ra’ayi.
Maharan sun kutsa ƙauyen Djiguibombo akan babura wanda ke garin Bandiagara a yammacin ranar Litinin ɗin da ta gabata yayin da mazauna yankin ke bikin ma’auratan, a cewar Bakary Guindo, shugaban ƙungiyar matasan yankin.
KU KUMA KARANTA:‘Yan bindiga sun kashe malamin jami’a a Katsina, sun sace ‘ya’yansa
“Yawancin waɗanda abin ya shafa yankan rago aka musu” in ji Guindo.
Kawo yanzu dai babu wata ƙungiya da ta ɗauki alhakin kai harin, sai dai ya biyo bayan irin wanda ƙungiyar masu tsattsauran ra’ayi ta JNIM da ke da alaƙa da Al-Qaida ke kai hare-hare a yankin.
‘Yan bindiga sun kashe malamin jami’a a Katsina, sun sace ‘ya’yansa
Rahotanni daga Jihar Katsina na cewa ‘yan bindiga sun kashe wani malamin Jami’ar Tarayya ta Dutsinma.
Rahotanni sun ce lamarin ya faru ne a ranar Talata da tsakar dare da misalin ƙarfe 1:30 inda ‘yan bindigar suka afka gidan Dakta Tiri Gyan da ke Yarima Quarters a Ƙaramar Hukumar Dutsinma.
Mai magana da yawun ‘yan sandan reshen Katsina Abubakar Sadiq ya tabbatar wa kafar watsa labarai ta Channels da kisan malamin.
Waɗanda suka shaida lamarin sun bayyana cewa ‘yan bindigar sun afka gidan malamin jami’ar da makamai daban-daban inda suka yi ta harbi domin tsorata mazauna rukunin gidajen.
Sun kuma bayyana cewa ɓarayin sun sace yara biyu na Dakta Gyan a lokacin da suka kai harin.
KU KUMA KARANTA: ’Yan bindiga sun sace Hakimi da manoma 2 a Kaduna
Kashe malamin na zuwa ne mako guda bayan kashe mataimakin Shugaban Jami’ar Usman Ɗanfodiyo da ke Sokoto Farfesa Yusuf Saidu.
An kashe shi a lokacin da yake hanyarsa ta zuwa Kaduna daga Sokoto.
‘Yan bindigar dai sun aukawa jami’ar kimiyya da fasaha ne dake garin Osara a ƙaramar hukumar Adabi a jihar Kogi inda bayan jikkata wasu ɗaliban, sannan suka yi garkuwa da wasu kimanin 57.
Malam Ɗan Asabe wani mazaunin jihar Kogi yace ‘yan bindigar sun haura cikin jami’ar ne ta baya suka dinga harbin kan mai uwa da wabi kamar yadda ya yiwa wakilin Muryar Amurka bayani ta wayar salula.
Tuni dai Gwamnatin jihar Kogin ta yi Allah wadai da wannan hari tare da nuna takaicinta akan lamarin.
Kwamishinan Labarai na jihar Kogin, Kensly Fanwo, yace, kawo yanzu ba su tantance adadin ɗaliban da ‘yan bindigar suka sace ba, amma sun haɗa hannu da jami’an tsaro domin ganin an kuɓuta da ɗaliban cikin ƙoshin lafiya.
KU KUMA KARANTA:’Yan bindiga sun sace ɗalibai a Jami’ar Jihar Kogi
Ya ƙara da cewa, a lokacin da gwamnatin jihar ta samu labarin ta yi ƙoƙarin jibga jami’an tsaro a wannan yanki domin samun nasarar kuɓutar da ɗaliban da aka sace.
A wata sanarwa daga kakakin ‘yan sandan jihar Kogin, Wilyans Aya, ya ce kwamishinan ‘yan sandan ya ƙara tura jami’an tsaro na musamman domin samun nasarar kuɓutar da ɗaliban.
Garkuwa da ɗaliban makaranta dai na ci gaba da ɗaukar hankali a Nijeriya, al’amarin da masana suka ce babbar barazana ce a ɓangaren Ilimi a ƙasar.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai9 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano
Pingback: ‘Yan sanda a Jigawa, sun kama mutane huɗu da ake zargin ‘yan bindiga | Neptune Prime Hausa
Pingback: ‘Yan bindiga sun kashe Alƙali mai ritaya a jihar Benuwe | Neptune Prime Hausa
Pingback: ‘Yan sanda sun buɗe sakatariyar karamar hukumar Filato | Neptune Prime Hausa