Akpabio ya zama shugaban majalisar dattawa, ya doke Yari

Sanata Godswill Akpabio ya zama shugaban majalisar dattawa na 10 bayan ya doke Sanata Abdulaziz Yari.

Tun farko dai zaɓaɓɓun ‘yan majalisar sun fara kaɗa ƙuri’a a zauren majalisar dattawan Najeriya, a ci gaba da shirye-shiryen ƙaddamar da majalisar dokokin ƙasar karo na 10.

Sanata Ali Ndume ya zaɓi Sanata Godswill Akpabi ne, bayan karanta tarihin tsohon gwamnan na Akwa Ibom.