Gwamnatin Tinubu, ba za ta musuluntar da Najeriya ba – Shettima

Zaɓaɓɓen mataimakin shugaban ƙasa, Kashim Shettima, ya ce fitowar sa a matsayin abokin takarar shugaban ƙasa, Bola Tinubu ya kasance bisa larura.

Shettima, wanda ya yi jawabi a wajen taron ƙaddamarwar da aka yi a Abuja ranar Asabar, ya kuma kawar da fargabar yiwuwar musuluntar da ƙasar nan daga gwamnatin Tinubu.

A ci gaban zaɓen shugaban ƙasa da aka yi a ranar 25 ga watan Fabrairu, naɗin Shettima, musulmi, a matsayin abokin takarar Tinubu, wanda shi ma musulmi ne, ya janyo suka a faɗin ƙasar.

Sai dai da yake magana kan batun karo na 10, tsohon gwamnan jihar Borno ya ce ba zai taɓa yiwuwa Tinubu wanda bai musuluntar da iyalansa ba, ya yi wa ƙasa hakan.

KU KUMA KARANTA: Ba zan mayar da wani yanki na Najeriya saniyar ware ba – Tinubu

Ya kuma bayyana cewa da gangan ya ɗauki wani ɗan ƙabilar Ibo, wanda ɗan Katolika ne, a matsayin babban jami’in tsaronsa, kuma Kirista ɗan Arewa a matsayin mataimakinsa.

“Ni yaro ne bisa larura, babu wani shiri na musuluntar da ƙasar. Asiwaju Bola Ahmed Tinubu Musulmi ne wanda ya auri Kirista, ba Kirista kaɗai ba, Fasto ne a Cocin Redeemed Christian Church of God,” inji shi.

“Wani wanda bai musuluntar da iyalansa ba, mutane suna tunanin cewa yana da niyyar Musuluntar da al’ummar ƙasa.

“Siyasa ta shafi hasashe. Yayin da muke fara kafa sabuwar gwamnati, da gangan na zaɓi wani ɗan kabilar Ibo, ɗan Katolika, ya zama babban jami’in tsaro na.

“Don manufar haɗa kai da haɗin kai, na sake zaɓe ɗan arewa da ya zama ADC na.

Da yake ƙarin haske, Shettima, wanda ke wakiltar Borno ta tsakiya a halin yanzu, ya ce gwamnatin Tinubu ta fahimci muhimmancin aikin da ke gabanta, inda ya ce a shirye suke su yi wa ‘yan Najeriya hidima.

“Za mu yi hidima. Mu saurara. Muna nan don a yi mana gyara. Ba a aiko mu zuwa aikin bishara ba.

Don haka, kamar kowane mai mutuwa, muna iya yin tuntuɓe nan da can. Babu ɗayan waɗannan kura-kuran mu da zai iya zama na ganganci.

“Ba za mu taɓa mantawa da rashin wanzuwar wannan ikon ba kuma mun yarda cewa mutum da Allah za su yi mana shari’a,” in ji shi.