Labarai
Ƴan bindiga sun kashe basarake sun ƙona gawarsa a Imo
![](https://neptuneprimehausa.com/wp-content/uploads/2023/05/IMG-20230526-WA0017.jpg)
Wasu ‘yan bindiga sun kashe babban basaraken garin Orsu Obodo da ke ƙaramar hukumar Oguta a jihar Imo, Eze Victor Ijioma da kuma wazirin garin Mgbele shi ma a ƙaramar hukumar.
Rahotanni sun ce maharan sun kashe shugabannin gargajiyar ne a hare-hare daban-daban a jiya Alhamis.
‘Yan bindigar da ba a san ko su wanene ba zuwa yanzu sun hallaka babban basaraken ne a motarsa a garin Izombo kuma suka banka masa.
KU KUMA KARANTA: ‘Yan bindiga sun kashe mutane 18 a Benuwe
Jaridar Daily Trust ta ruwaito cewa wani da ya ga yadda abin ya faru wanda bai yarda a bayyana sunansa ba ya ce maharan sun tare basaraken na al’ummar Orsu Obodo a mahaɗar Umuamaka a garin Izombe da ke maƙwabtaka da nasu, inda suka hallaka shi.
Ya ƙara da cewa domin su tabbatar da ya mutu ne suka sanya wa gawarsa a cikin motar wuta.
Jaridar Punch ta ruwaito cewa kakakin rundunar ‘yan sanda a jihar Henry Okoye ya tabbatar mata da labarin kashe-kashen a yau Juma’a.
Kuma ya ce Kwamishina ‘yan sandan jihar Muhammed Barde ya ƙaddamar da binciken zaƙulo maharan.
Kashe-kashe da ƴan bindiga kan yi a jihar ta Imo sun ƙaru tun bayan zaɓen da aka yi na jihar da kuma na tarayya.
Al'ajabi
Wani sabon gini mai hawa 2 ya rushe a Legas
![Wani sabon gini mai hawa 2 ya rushe a Legas](https://neptuneprimehausa.com/wp-content/uploads/2024/07/building.jpg)
Wani sabon gini mai hawa 2 ya rushe a Legas
Wani sabon bene mai hawa biyu a Jihar Legas, ya rushe yayin da ake tsaka da mamakon ruwan sama wanda ya haddasa ambaliya a wasu sassan jihar.
Ginin ya rushe ne a lamba 12 da ke yankin Cameroun kusa da Ewenla a Mushin.
Hukumar Bayar da Agajin Gaggawa ta jihar (LASEMA), ta bayyana cewar bayan isar jami’anta wajen da lamarin ya faru, ta gano wani sabon gini mai hawa biyu ya rushe.
An ceto mutum bakwai; mata uku da maza huɗu, tuni aka kai su asibiti domin duba lafiyarsu.
KU KUMA KARANTA: Wani bene mai hawa 4 ya rufta da mutane a Abuja
Ya zuwa yanzu dai hukumar, ta ce babu wanda ya mutu a dalilin rushewar ginin.
Babban sakataren LASEMA, Dokta Olufemi Damilola Oke-Osanyintolu, ya ce ana ci gaba da gudanar aikin ceto don tabbatar da babu wanda ya maƙale a baraguzai.
Labarai
Wani jami’in EFCC ya hallaka kansa a Abuja
![Wani jami’in EFCC ya hallaka kansa a Abuja](https://neptuneprimehausa.com/wp-content/uploads/2024/07/EFCC456.jpg)
Wani jami’in EFCC ya hallaka kansa a Abuja
Rahotanni sun bayyana cewar wani jami’in Hukumar Yaƙi da Masu Yi Wa Tattalin Arziƙin Ƙasa Zagon Ƙasa (EFCC), ya hallaka kansa har lahira a Abuja.
An tsinci gawar marigayin ne a gidansa da ke babban birnin tarayya.
Marigayin, wanda ba a bayyana sunansa ba, an ce ya kasance ɗaya daga cikin waɗanda suka yi kwas na 5 a makarantar horas da masu yi wa ƙasa hidima ta hukumar yaƙi da cin hanci da rashawa.
An ruwaito cewar yana da ƙwazo da himma a wajen gudanar da ayyukansa.
Wata majiya ta ce jami’in ya jima yana fama da baƙin ciki da matsalolin rayuwa kafin mutuwarsa.
Kakakin EFCC, Dele Oyewale, ya shaida wa manema labarai cewa hukumar za ta binciki musababbin da ya sanya ya kashe kansa, kuma hukumar za ta taimaka wa iyalansa.
Oyewale, ya ƙara da cewa hukumar za ta binciki wasu abubuwa da suka haɗa da matsalar taɓin hankali da kuma matsalolin iyali waɗanda ka iya sanya ma’aikacin kashe kansa.
KU KUMA KARANTA: Ana zargin wani jami’in kwastam ya kashe kansa a Abuja
Sai dai ya ce hukumar ba za ta fitar da wata sanarwa ko kuma bayyana sunan jami’in ba, har sai an kammala bincike.
Labarai
NAFDAC ta rufe shaguna 100 A Enugu
![NAFDAC ta rufe shaguna 100 A Enugu](https://neptuneprimehausa.com/wp-content/uploads/2024/07/IMG-20240701-WA0014-1-768x576-1.jpeg)
NAFDAC ta rufe shaguna 100 A Enugu
Hukumar Kula da Ingancin Abinci da Magunguna ta Ƙasa (NAFDAC), ta rufe shaguna kusan 100 a babbar kasuwar Ogbete ta Jihar Enugu, bisa zargin sayar da wasu abubuwan sha na jabu.
Daraktan NAFDAC, Martins Iluyomade a yankin Kudu maso Gabas, ya ce hukumar ta ɗauki matakin ne bayan wani samame da ta kai a ranar Litinin.
A yayin samamen jami’an hukumar NAFDAC, sun cafke wata babbar mota ɗauke da kayayyakin maye tare da cafke wasu ‘yan kasuwa huɗu da ake zargi da hannu wajen sayar da jabun abubuwan sha.
Iluyomade, wanda masanin haɗa magunguna ne, ya nanata cewa matakin ya zama dole domin kare masu amfani da ire-iren kayayyakin .
Ya ce waɗanda ake zargin a halin yanzu ana kan bincikensu kuma za su fuskanci tuhuma a gaban kotu bayan kammala binciken.
KU KUMA KARANTA: NAFDAC ta haramta amfani da maganin tari na yara na kamfanin J&J
Har wa yau, ya nanata ƙudurin NAFDAC na kawar da kayayyaki marasa inganci, da jabun abubuwan ci da sha, da gurɓatattun kayayyaki a kasuwa.
Ya ƙara da cewa, an gudanar da binciken ne tare da haɗin gwiwar hukumomin tsaro.
A gefe guda kuma, ya bayyana muhimmancin aikin hukumar na tabbatar da lafiyar al’umma.
-
Kotu1 year ago
Kotu tayi watsi da ƙarar APC game da zaɓen Abba Gida Gida
-
Labarai9 months ago
Dalilin da ya sa na saka wa matata sasari – Wani magidanci a Potiskum
-
Ƙasashen Waje1 year ago
Ɗaliban Najeriya a Sudan sun nemi a kwaso su daga ƙasar
-
Labarai1 year ago
‘Yan banga sun kama wani mutum da ke yunƙurin sace yarinya a Kano
Pingback: Basarake ya ƙona magidanci, ya mutu har lahira a Yobe | Neptune Prime Hausa
Pingback: ‘Yan bindiga sun yi barazanar auran matan da aka sace a Zamfara, sun buƙaci a ba su naira miliyan 12 | Neptune Prime Hausa
Pingback: ‘Yan bindiga a jihar Anambara sun sace wani boka | Neptune Prime Hausa
Pingback: ‘Yan bindiga sun sace Sarki da iyalansa a jihar Nasarawa | Neptune Prime Hausa
Pingback: ‘Yan bindiga sun sace Sarki da iyalansa a jihar Nasarawa - LEGEND FM DAURA
Pingback: Wani ya cinna wa kansa wuta a Kenya, saboda tsadar rayuwa | Neptune Prime Hausa
Pingback: ‘Yan bindiga a Kebbi sun kashe mutane biyu, sun sace mutane bakwai | Neptune Prime Hausa
Pingback: ‘Yan bindiga sun yi garkuwa da ɗan sanda a Bauchi | Neptune Prime Hausa
Pingback: ‘Yan bindiga a jihar Osun sun kashe wani mutum, sun ƙona gidan sarauta | Neptune Prime Hausa
Pingback: ‘Yan bindiga a jihar Imo sun kashe sojoji takwas | Neptune Prime Hausa