A wani rahoto da muke samu ya tabbatar mana cewa ɗaruruwan al’ummar ƙasar falasɗinune suka gabatar da sallar juma’a a harabar babban masallacin na uku cikin manyan masallatai na addinin musulunci.
Bugu da ƙari sun gabatar da sallar ne a gaban masallacin duk da barazana na dakarun sojojin yankin Isra’ila.
Idan za a iya tunawa ana ci gaba da zaman doya da manja tsakanin dakarun musulunci na Hamas da kuma dakarun sojin Isra’ila da ke ƙoƙarin mamaye Gaza ko ta wanne hali, lamarin da ya sa ‘yan Hamas da dakarun Hizbullah ke ci gaba da yiwa Isra’ila ɓarin wuta duk da harin ramuwar gayya da isra’ilan ke kai wa muhimman wurare a Gaza.
Yanzu haka dai tuni dandazon falatsɗinawa suka gabatar da sallar juma’a tare da gabatar da addu’o’i domin neman kariya daga Allah (T).
