Ƙasashen Waje
Ɗan ƙunar baƙin wake ya kashe mutane biyar a tsakiyar Somaliya
Mutane 5 ne suka mutu yayin da wasu 6 suka jikkata a ranar Juma’a bayan da wani ɗan ƙunar baƙin wake ya tarwatsa kansa a wani gidan cin abinci da ke kusa da fadar shugaban ƙasa a tsakiyar ƙasar Somaliya, kamar yadda ‘yan sanda da shaidu suka bayyana.
Maharin ya tayar da wata na’ura a cikin wani kantin shayi da ke Bar Bulsho a Mogadishu babban birnin ƙasar, in ji kakakin ‘yan sandan Somaliya Sadik Dudishe.
Dudishe ya ce “Dukkan waɗanda suka jikkata mutane ne da ke ba da lokacin shan shayi.” Jami’an tsaron Somaliya da kuma fararen hula ne ke halartar wurin shan kofi.
Kawo yanzu dai babu wani da ya ɗauki alhakin kai harin. Shaidu sun ce ‘yan sanda sun killace wurin bayan tashin bom ɗin.
KU KUMA KARANTA: Harin ƙunar baƙin wake a Somaliya ya kashe sojoji 13
Wani mazaunin unguwar Bar Bulsho, Adan Qorey, ya ce kantin shayin ya kan cika cunkoso da rana da maraice tare da masu shayarwa suna shan shayi da kuma caccaka, wani ɗan ƙaramin tsiro ne da aka fi sani da Miraa.
Harin na ranar Juma’a ya zo ne kwana guda bayan an kashe fararen hula biyar tare da jikkata wasu 13 a wani harin bam da aka kai da mota kusa da wata kasuwa a tsakiyar Somaliya.
Wani harin bam da aka kai da babbar mota a ranar Asabar a tsakiyar garin Beledweyne ya kashe mutane 21, tare da ƙona gine-gine tare da jikkata da dama.
Hare-haren na zuwa ne a daidai lokacin da gwamnatin Somaliya da ke fama da rikici ta amince cewa ta fuskanci koma baya da dama a yaƙin da take yi da mayaƙan Al-Shabaab masu alaƙa da Al-Qaeda.
Shugaban Somalia Hassan Sheikh Mohamud ya hau karagar mulki a watan Mayun shekarar da ta gabata yana mai shan alwashin “yaƙi na gaba ɗaya” kan mayaƙan.
Gwamnatinsa ta ƙaddamar da wani gagarumin farmaki kan masu kishin Islama a cikin watan Agustan shekarar da ta gabata, tare da haɗa ƙarfi da ƙarfe da mayaƙan ƙabilanci a wani samame da dakarun AU ke marawa baya da kuma hare-haren jiragen sama na Amurka.
A ranar Alhamis jami’an tsaron Somaliya sun daƙile hare-haren bama-bamai guda biyu da aka kai kan garin Dhusamareeb da ke tsakiyar ƙasar Somaliya inda Mohamud ya kasance a makonnin da suka gabata.
Ƙudurorin Majalisar Ɗinkin Duniya sun buƙaci a rage yawan dakarun wanzar da zaman lafiya a Somalia a ƙarshen shekara mai zuwa, inda za su miƙa tsaro ga sojojin ƙasar da ‘yan sandan Somalia.
Sai dai wannan ya zama ƙalubale, inda a yanzu gwamnati ke neman jinkirta shirin rage yawan dakarun ATMIS.
Ƙungiyar Al-Shabaab da ke fafutukar kifar da gwamnatin da ke samun goyon bayan ƙasashen duniya a Mogadishu na kai hare-hare a kai a kai kan wuraren gwamnati da na fararen hula a Mogadishu.
Harin ta’addanci ya kashe sama da mutane 20 a Mali
Wani hari da ake kyautata zaton masu ikirarin jihadi ne suka kai ƙauyen Djiguibombo da ke kusa da garin Bandiagara a yankin tsakiyar ƙasar Mali, ya yi sanadiyar mutuwar fararen hula 20, kamar yadda wasu hukumomin yankin biyu suka tabbatar.
Majiyoyin da suka nemi a sakaya sunansu sun tabbatar da mutuwar mutane 20, sannan suka ce yadda lamuran tsaro suka taɓarɓare a yankin, ya hana jami’an tsaro kai ɗauki wajen.
Wani jagoran matasan yankin shi ma da ya nemi a sakaya sunansa, ya ce tun a farkon daren ranar Litinin ɗin data gabata ne maharan suka kai farmakin, inda suka kwashe tsawon sa’oi uku a cikin garin.
KU KUMA KARANTA: Isra’ila ta kashe ‘yan jarida 106 a yakin da take yi a Gaza — Jami’ai
Ya ce sama da mutane 20 ne aka kashe a harin, kuma fiye da rabinsu matasa ne inda aka ranke musu harsuna.
Kasar Mali dai na fama da matsalolin tsaro na ƙungiyar Al-Qaeda da kuma na IS tun a shekarar 2012, inda ya bazu kasashen Burkina Faso da Nijar da ke makwabtaka da ita.
Tun bayan ƙwace mulki da sojoji suka yi a kasar a shekarar 2020, hukumomi ke jin tsoron fitowa fili su sanar da labarin hare-haren ta’addancin da ake kai wa kasar da ke Yammacin Afrika.
A shirye muke mu yaƙi Hizbollah idan har ta kama – Ministan Tsaron Isra’ila
Ministan Tsaron Isra’ila Yoav Gallant ya ce sojojin Isra’ila za su kasance a shirye don daukar duk wani matakin da ya dace kan ƙungiyar Hizbullah ta ƙasar Labanon, ko da yake abin da ake so shi ne cimma matsaya ta shawarwari.
Muna kai wa ƙungiyar Hizbullah hari sosai a kowace rana kuma za mu kai ga cikakken shiri na ɗaukar duk wani mataki da ake buƙata a ƙasar Labanon, ko kuma cimma wani shiri daga matsayi mai ƙarfi.
KU KUMA KARANTA: Gaza ya zama gidan marayu kuma maƙabartar yara mafi girma a duniya – Emine Erdogan
Mun fi son tsari, amma idan aka kai mu maƙura za mu san yadda za mu yi yaƙi,” an ruwaito Gallant a wata sanarwa da ofishinsa ya fitar.
Ƙasashen Waje
Mutum 12 ne suka mutu, 20 suka jikkata a wani hari da aka kai wata kasuwa a Yammacin Sudan
Mutum 12 ne suka mutu, 20 suka jikkata a wani hari da aka kai wata kasuwa a Yammacin Sudan
Aƙalla mutum 12 ne suka mutu yayin da wasu 20 suka jikkata a jiya Laraba a wani hari da aka kai kan wata kasuwar dabbobi da ke El Fasher, babban birnin jihar Darfur ta Arewa a Yammacin Sudan.
A wata sanarwa da kwamitin sulhu na kwamitocin ‘yan gwagwarmaya na El Fasher ya fitar ya ce “harbin bindigogi a kasuwar dabbobi da ke birnin El Fasher ya yi sanadin mutuwar fararen hula 12 da kuma wasu 20 da suka samu raunuka daban-daban.”
Tun da fari a ranar Larabar da safe, kwamitocin ‘yan gwagwarmaya sun ce dakarun Rapid Support Forces (RSF) sun kai mummunan hari El Fasher da manyan bindigogi.
Tun a ranar 10 ga Mayu, aka fara ƙazamin fada tsakanin sojojin Sudan da RSF a El Fasher. Majalisar Dinkin Duniya da ƙungiyoyin agaji na ƙasa da ƙasa ke amfani da birnin a matsayin cibiyar ayyukan jinƙai ga yankin Darfur.
Rikicin Sudan ya ɓarke ne a cikin watan Afrilun 2023 tsakanin Janar Abdel Fattah al-Burhan da kwamandan RSF Mohamed Hamdan Dagalo kan yarjejeniyar shigar da RSF cikin rundunar soja.
KU KUMA KARANTA: Adadin mutanen da suka rasa muhalli a sassan duniya ya zarta miliyan 114 — MƊD
Ya yi sanadin mutuwar mutum sama da 16,000, da raba kusan mutum miliyan 10 da muhallansu, sannan sama da miliyan 25 na buƙatar agajin jinƙai, lamarin da ya zama mafi girma a duniya ta ɓangaren matsalar rashin matsuguni da yunwa, a cewar MƊD.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai9 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano