Labarai
Ƙungiyar likitocin NAHCON ta koka da halartar mata masu juna biyu a Hajjin bana
Hukumar kula da aikin hajji ta ƙasa NAHCON ta bayyana damuwa kan yawan mata masu juna biyu da suka ƙi bayyana cewa suna da ciki, a zuwa ƙasa mai tsarki domin gudanar da aikin hajjin bana.
Shugaban Ƙungiyar likitocin Najeriya Dakta Usman Galadima ne ya bayyana haka a lokacin da yake amsa tambayoyi daga manema labarai ranar Laraba a birnin Makkah na ƙasar Saudiyya.
Galadima ya ce sai an taimaka wa ɗaya daga cikin mata masu juna biyu ta kwanta, yayin da wasu kuma sai an kai su asibitin mata domin samun kulawar da ta dace.
“Mun ga lokuta daban-daban tun daga zazzaɓin cizon sauro, wanda ya zama ruwan dare gama gari da cututtuka na numfashi na sama, kamar tari, ciwon maƙogwaro da kuma kula da masu fama da rashin lafiya.
KU KUMA KARANTA: Dalilin da ya sa muka bambanta farashin Hajjin bana – NAHCON
“Har ila yau, mun samu wasu matan da suka da juna biyu mai kusan watanni bakwai kuma an shigar da su kuma suka haifi jariri na wata bakwai.
“Muna da waɗanda muka kai asibitin mata da ke Makka a nan domin karɓar magani da kulawar gaggawa.
Hakan ya faru ne duk da ƙiraye-ƙirayen da muke yi na hana mata masu juna biyu shigowa aikin hajji.”
Ya nanata cewa bai dace a ɗabi’a ba a bar mata masu juna biyu su tafi aikin hajji saboda damuwa, haɗari da irin waɗannan matan ke fuskanta, ko kuma gamuwa da su a lokacin motsa jiki.
Shugaban tawagar likitocin ya kuma bayyana damuwarsa kan yadda wasu alhazai da ke fama da rashin lafiya suka zo ƙasa mai tsarki ba tare da izini ba.
A cewarsa, jami’an tsaron Saudiyya a filayen tashi da sauƙar jiragen sama na ba da damar shiga da irin waɗannan magungunan idan suna cikin kayansu na asali da kuma adadinsu.
Sai dai Malam Galadima ya ce bayanan da suka same shi sun nuna cewa, an kama waɗannan ƙwayoyi ne daga Najeriya ne ba a kowane filin jiragen sama na Saudiyya ba, saboda rashin samun cikakkun bayanai, faɗakarwa da ilmantar da irin waɗannan magunguna, kamar yadda suke da alaƙa da haka.
“Wannan ya fallasa wasu daga cikin majinyatan cikin babban haɗari kuma a ƙarshe, shigar da su asibitocin Saudiyya, saboda wasu daga cikinsu suna da matakan sukari da hawan jini ya kai matakin rikici.”
Ya bayyana cewa, tawagar likitocin ta ƙasa sun fara aiki a Madina tare da kafa asibitoci kusan huɗu a cikin rukunin gidajen alhazai.
“Muna ganin mahajjata tsakanin 150 zuwa 200 a kullum tun bayan kafa asibitocin.
Kuma mun koma Makka tun ranar 28 ga Mayu, kuma ya zuwa yanzu mun kafa ɗakunan shan magani guda uku a Makkah.
“Kuma a Makkah mun shirya samun ɗakunan shan magani har guda bakwai yayin da alhazai suka zo za mu ci gaba da samar da ƙarin asibitocin da suka taru,” in ji shi.
Wani sabon gini mai hawa 2 ya rushe a Legas
Wani sabon bene mai hawa biyu a Jihar Legas, ya rushe yayin da ake tsaka da mamakon ruwan sama wanda ya haddasa ambaliya a wasu sassan jihar.
Ginin ya rushe ne a lamba 12 da ke yankin Cameroun kusa da Ewenla a Mushin.
Hukumar Bayar da Agajin Gaggawa ta jihar (LASEMA), ta bayyana cewar bayan isar jami’anta wajen da lamarin ya faru, ta gano wani sabon gini mai hawa biyu ya rushe.
An ceto mutum bakwai; mata uku da maza huɗu, tuni aka kai su asibiti domin duba lafiyarsu.
KU KUMA KARANTA: Wani bene mai hawa 4 ya rufta da mutane a Abuja
Ya zuwa yanzu dai hukumar, ta ce babu wanda ya mutu a dalilin rushewar ginin.
Babban sakataren LASEMA, Dokta Olufemi Damilola Oke-Osanyintolu, ya ce ana ci gaba da gudanar aikin ceto don tabbatar da babu wanda ya maƙale a baraguzai.
Wani jami’in EFCC ya hallaka kansa a Abuja
Rahotanni sun bayyana cewar wani jami’in Hukumar Yaƙi da Masu Yi Wa Tattalin Arziƙin Ƙasa Zagon Ƙasa (EFCC), ya hallaka kansa har lahira a Abuja.
An tsinci gawar marigayin ne a gidansa da ke babban birnin tarayya.
Marigayin, wanda ba a bayyana sunansa ba, an ce ya kasance ɗaya daga cikin waɗanda suka yi kwas na 5 a makarantar horas da masu yi wa ƙasa hidima ta hukumar yaƙi da cin hanci da rashawa.
An ruwaito cewar yana da ƙwazo da himma a wajen gudanar da ayyukansa.
Wata majiya ta ce jami’in ya jima yana fama da baƙin ciki da matsalolin rayuwa kafin mutuwarsa.
Kakakin EFCC, Dele Oyewale, ya shaida wa manema labarai cewa hukumar za ta binciki musababbin da ya sanya ya kashe kansa, kuma hukumar za ta taimaka wa iyalansa.
Oyewale, ya ƙara da cewa hukumar za ta binciki wasu abubuwa da suka haɗa da matsalar taɓin hankali da kuma matsalolin iyali waɗanda ka iya sanya ma’aikacin kashe kansa.
KU KUMA KARANTA: Ana zargin wani jami’in kwastam ya kashe kansa a Abuja
Sai dai ya ce hukumar ba za ta fitar da wata sanarwa ko kuma bayyana sunan jami’in ba, har sai an kammala bincike.
NAFDAC ta rufe shaguna 100 A Enugu
Hukumar Kula da Ingancin Abinci da Magunguna ta Ƙasa (NAFDAC), ta rufe shaguna kusan 100 a babbar kasuwar Ogbete ta Jihar Enugu, bisa zargin sayar da wasu abubuwan sha na jabu.
Daraktan NAFDAC, Martins Iluyomade a yankin Kudu maso Gabas, ya ce hukumar ta ɗauki matakin ne bayan wani samame da ta kai a ranar Litinin.
A yayin samamen jami’an hukumar NAFDAC, sun cafke wata babbar mota ɗauke da kayayyakin maye tare da cafke wasu ‘yan kasuwa huɗu da ake zargi da hannu wajen sayar da jabun abubuwan sha.
Iluyomade, wanda masanin haɗa magunguna ne, ya nanata cewa matakin ya zama dole domin kare masu amfani da ire-iren kayayyakin .
Ya ce waɗanda ake zargin a halin yanzu ana kan bincikensu kuma za su fuskanci tuhuma a gaban kotu bayan kammala binciken.
KU KUMA KARANTA: NAFDAC ta haramta amfani da maganin tari na yara na kamfanin J&J
Har wa yau, ya nanata ƙudurin NAFDAC na kawar da kayayyaki marasa inganci, da jabun abubuwan ci da sha, da gurɓatattun kayayyaki a kasuwa.
Ya ƙara da cewa, an gudanar da binciken ne tare da haɗin gwiwar hukumomin tsaro.
A gefe guda kuma, ya bayyana muhimmancin aikin hukumar na tabbatar da lafiyar al’umma.
-
Kotu1 year agoKotu tayi watsi da ƙarar APC game da zaɓen Abba Gida Gida
-
Labarai9 months agoDalilin da ya sa na saka wa matata sasari – Wani magidanci a Potiskum
-
Ƙasashen Waje1 year agoƊaliban Najeriya a Sudan sun nemi a kwaso su daga ƙasar
-
Labarai1 year ago‘Yan banga sun kama wani mutum da ke yunƙurin sace yarinya a Kano